ᓯᑕᒪᐅᔪᖕᖏᒐᕐᑐᑦ ᖃᐅᔨᒪᒋᐊᓕᓪᓚᕇᑦ
ᐊᒡᒐᒧᑦ ᖃᐅᔨᑎᑦᓯᒍᑏᑦ

ᐊᖁᑦᓱᖓ ᐊᒡᒐᑲᓂᒃ ᐊᖂᑎᒥᒃ ᐲᕐᓯᓲᖑᕗᖓ ᖃᐅᔨᑎᑦᓯᒋᐊᓕᕋᒪ ᑭᓯᐊᓂ ᓱᓚᖓᓕᕐᒪᖔᕐᒪ. ᒪᑯᐊ ᐅᖄᔭᐅᓯᔪᑦ ᐊᒡᒐᒧᑦ ᖃᐅᔨᑎᑦᓯᒍᑏᑦ ᐊᑐᕐᑕᐅᓲᖑᕗᑦ ᐊᕐᖁᑎᒃᑰᖏᑦᑐᖅ ᐃᖏᕋᔫᓂᒃ (OHV) ᐊᖁᑦᑎᓄᑦ. ᑕᒪᒃᑯᐊ OHV-ᖑᓂᕋᕐᑌᑦ ᓴᖑᓚᖓᑦᓱᓂ ᐃᑭᑦᑕᓛᑎᑦᓯᒍᑎᒥᒃ ᐃᑯᒪᖃᑦᔭᖏᒻᒪᑕ, ᓇᒧᑦ ᐁᒍᒪᒻᒪᖔᕐᐱᑦ ᓇᓗᓇᒐᓚᓲᖑᕗᖅ ᐊᓯᓐᓅᕕᑦ ᐃᖏᕐᕋᔪᓄᑦ. ᐊᑐᖃᑦᑕᕈᕕᑦ ᖃᐅᔨᒪᔭᐅᔪᓂᒃ ᐊᒡᒐᒧᑦ ᖃᐅᔨᑎᑦᓯᒍᑎᓂᒃ ᑕᑯᑎᑦᓯᖃᑦᑕᕈᓐᓇᖁᑎᑦ ᓱᓚᖓᒻᒪᖔᕐᐱᑦ. ᑕᒪᒃᑯᐊ ᐊᒡᒐᒧᑦ ᖃᐅᔨᑎᑦᓯᒍᑏᑦ ᓇᓂᑐᐃᓐᓇᓕᒫᖅ ᑯᐯᒻᒥ ᐊᑐᕐᑕᐅᓲᖑᕗᑦ ᐊᒻᒪᓗ ᐊᑐᕈᓐᓇᐳᑦ ᓇᓪᓕᑐᐃᓐᓇᖓᓂᒃ ᐊᖁᓪᓗᓂ ᓯᑭᑑᒥᒃ ᐅᕝᕙᓘᓐᓃᑦ ᓄᓇᑐᐃᓐᓇᑯᑦ ᐃᖏᕐᕋᔫᒥᒃ.

ᓄᕐᖃᕆᑦ

ᑕᓕᖅ ᖁᒻᒧᐊᑎᑦᓱᒍ ᐊᒡᒐᖓ ᐃᓵᖓᑦᓯᐊᑎᓪᓗᒍ. ᑖᓐᓇ “ᓄᕐᖃᓵᕆᒍᑎ” ᑕᓕᕐᐱᒧᑦ ᑕᓕᕐᒧᑦ ᐊᑐᕐᑕᐅᖁᓇᕐᑐᖅ ᓴᐅᒥᕐᓅᕕᑦ ᓄᕐᖃᖓᐅᑎᒥᒃ ᐊᐅᓚᑦᓯᒋᐊᖃᕐᒥᒐᕕᑦ. ᓇᓪᓕᐊᓂᒃ ᓴᐅᒥᕐᒥᒃ ᑕᓕᕐᐱᒥᓪᓘᓃᑦ ᐊᒡᒐᒥᓂᒃ ᖁᒻᒧᐊᑎᑦᓯᓂᐊᕋᓗᐊᕈᑎᒃ, OHV-ᓂᒃ ᐊᐅᓚᑦᓯᔪᑦ ᓄᕐᖃᕆᐊᖃᕈᑎᒃ ᐊᑐᐃᓐᓇᐅᓯᐊᕆᐊᖃᕐᒥᔪᑦ.

ᓱᒃᑫᓕᒋᐊᕆᑦ

ᑕᓕᖅ ᓯᐅᒥᕐᓯᖅ ᐃᓵᑦᑎᓗᒍ ᓴᓂᒧᑦ ᐊᒻᒧᓕᖓᑎᓪᓗᒍ ᐊᒻᒪᓗ ᓄᓗᕋᕐᑎᓗᒍ ᖁᒻᒧᑦ ᐊᒻᒪᓗ ᐊᒻᒧᑦ ᑌᒫᒃ ᓱᒃᑫᓕᒋᐊᓯᒋᐊᕐᐱᑦ ᖃᐅᔨᑎᑦᓯᒍᑎᒋᓗᒍ.

ᑕᓕᕐᐱᒧᑦ
ᓴᖑᓂᖅ

ᑕᓕᖅ ᓴᐅᒥᕐᓯᖅ ᓴᓂᒧᑦ ᐃᓵᑦᑎᓗᒍ, ᐃᑯᓯᖓ ᐃᕿᖓᑎᓪᓗᒍ, ᐊᒡᒐᐅᑎᖓᑕ ᒥᑦᓵ ᒪᑭᑕᑎᓪᓗᒍ ᐊᒡᒐᖓ ᐃᓵᖓᓗᓂ.

ᓴᐅᒥᕐᒧᑦ
ᓴᖑᓂᖅ

ᑕᓕᖅ ᓴᐅᒥᕐᓯᖅ ᐃᓵᑦᑎᓗᒍ ᓴᓂᒧᑦ ᑐᐃᒥᒃ ᓯᑦᑐᖓᑦᓯᐊᑎᓪᓗᒍ ᐊᒻᒪᓗ ᑎᒡᒍᑐᕐᓗᓂ ᓴᖑᕕᒋᓚᖓᔭᕐᐱᑦ ᒥᑦᓵᓄᑦ.

ᓯᑭᑑᑭᖑᓪᓕᐹᖅ

ᐊᒡᒐᐅᑎᐅᑉ ᒥᑦᓵ ᖁᒻᒧᐊᑎᓪᓗᒍ ᑐᐃᕐᐱᑦ ᓇᓛᓂ ᑎᓪᓘᓯᖓᓗᑎᑦ.

ᓯᑭᑑᒥᒃᑭᖑᓂᕋᓃᑦᑐᓕᒃ

ᑕᓕᖅ ᖁᒻᒧᐊᑎᓪᓗᒍ, ᐃᑯᓯᒃᑯ ᐃᕿᖓᓗᓂ, ᐊᒻᒪᓗ ᑯᓪᓗᓅᕕᑦ ᑭᖑᒧᑦ ᑎᒡᒍᑐᕐᓗᑎᑦ, ᐃᑭᑎᑕᐅᒍᒪᔪᕐᑎᑐᑦ ᓂᒪᑦᑎᓗᒍ, ᑕᓕᖅ ᓯᕗᒧᑦ ᑭᖑᒧᓪᓗ ᐅᑎᕐᑕᑎᓪᓗᒍ ᑐᐃᕐᐱᑦ ᖁᓛᒍᑦ.

ᓯᑭᑑᙯᔪᖅ

ᑕᓕᖅ ᓴᐅᒥᕐᓯᖅ ᖁᒻᒧᐊᑎᓪᓗᒍ ᑐᐃᕐᐱᑦ ᓇᓛᓄᑦ, ᐃᑯᓯᖓ ᐃᕿᖓᑎᓪᓗᒍ ᐊᒻᒪᓗ ᑕᓕᖅ ᒪᑭᑕᑎᓪᓗᒍ ᐊᒡᒐᐅᑎᒃᑯᑦ ᓂᐅᖓᒻᒥᓗᓂ. ᑕᓕᖅ ᓂᒪᑦᑎᓗᒍ ᓴᐅᒥᕐᒥᒃ ᑕᓕᕐᐱᒧᑦ ᓂᐊᖁᕐᐱᑦ ᖁᓛᒍᑦ, ᐊᕐᖁᑎᐅᑉ ᑕᓕᕐᐱᐊ ᑎᒡᒍᐊᖃᑦᑕᓗᒍ.