ᑫᓪᓗᐊᑕᖓ

ᐊᕐᖁᑎᒃᑰᖏᑦᑐᖅ ᐃᖏᕐᕋᔫᖅ (OHV ᐅᕝᕙᓘᓐᓃᑦ ORV) ᑌᓯᕗᖅ ᓯᑕᒪᓂᒃ-ᐊᑦᓴᓗᐊᖃᕐᓱᑎᒃ ᓄᓇᑐᐃᓐᓇᑰᕈᑎᓂᒃ, ᐱᖓᓱᓂᒃ-ᐊᑦᓴᓗᐊᖃᕐᓱᑎᒃ ᓄᓇᑐᐃᓐᓇᑰᕈᑎᓂᒃ ᐊᒻᒪᓗ ᓯᑭᑑᓂᒃ. ᑯᐯᒃ ᐱᖁᔭᖏᑦ ᒪᓕᑦᓱᒋᑦ, ᑌᒣᑦᑐᐃᑦ ᐃᖏᕐᕋᔫᑦ ᐃᓄᓕᒫᑦ ᐊᕐᖁᑎᒻᒪᕆᖏᑎᒍᑦ ᐊᑐᖃᑦᑕᕆᐊᖃᖕᖏᑐᑦ. ᓄᓇᕕᐅᑉ ᐃᓗᐊᓂ, ᑭᓯᐊᓂ, ᑌᒣᑦᑐᐃᑦ ᐃᖏᕐᕋᔫᑦ ᖃᐅᑕᒫᑦ ᐅᐸᒋᐊᓕᓐᓄᑦ ᐃᖏᕋᒍᑎᒋᔭᐅᔪᑦ, ᐊᕐᖁᑎᒥᓪᓗ ᓯᐊᖃᑕᐅᑦᓱᑎᒃ ᓄᓇᒃᑰᔫᓄᑦ, ᓄᓇᒃᑰᔫᒻᒪᕆᓐᓄᑦ, ᐸᐃᓯᑯᓄᑦ, ᒨᑐᓭᑯᓄᑦ, ᐱᓱᑦᑐᓄᑦ ᐊᒻᒪᓗ ᕿᒻᒥᓄᑦ…

ᑕᒪᓐᓇ ᑐᕌᕈᑕᐅᕙᑉᐳᖅ ᐊᒥᓱᓄᑦ ᐱᓂᕐᓗᕈᑎᓄᑦ ᓄᓇᓕᑦᑕ ᐃᓗᐊᓂ, ᐱᓗᐊᕐᑐᒥᒃ ᐃᓅᓱᑦᑐᑎᒍᑦ. ᓄᓇᕕᒻᒥ ᐱᓂᕐᓗᖁᔨᖕᖏᒧᑦ ᐊᒻᒪᓗ ᐃᑉᐱᒍᓱᓕᕐᑎᓯᒍᑎᓂᒃ ᑫᓪᓗᐊᓂᖅ ᐊᕐᖁᑎᒃᑰᖏᑦᑐᖅ ᐃᖏᕐᕋᔫᑦ ᐱᑦᔪᑎᒋᑦᓱᒋᑦ ᑐᕌᖓᕗᖅ ᐱᕙᓪᓕᑎᑦᓯᒋᐊᕐᓂᒧᑦ ᐃᑉᐱᒍᓱᓐᓂᒥᒃ ᐱᓂᕐᓗᑌᓕᒋᐊᖃᕐᓂᒥᒃ ᓯᑭᑑᓂᒃ ᐊᒻᒪᓗ ᓄᓀᓐᓇᑯᑦ ᐃᖏᕐᕋᔫᓂᒃ ᐊᑐᕐᑐᖃᓕᕈᓂ.

slogan-skidoo
slogan-vtt

ᓪᓗᐊᕈᑎᑦᑕ ᐅᖃᕐᑕᐅᓂᖓ

ᐊᕐᖁᑎᑦᓯᐊᑰᕐᓱᖓ
ᐃᓱᒪᕗᖓ ᐊᑦᑕᓇᕐᓯᑌᓕᓂᕐᒥᒃ ᐃᓚᒃᑲᓂᒃ ᓄᓇᓕᒐᓂᒃ

ᐅᓂᒃᑳᑕᐅᒍᑎᕗᑦ

2004-ᒥ ᑯᐯᒃᑯᑦ ᑲᕙᒪᖓ ᐃᓕᑕᕐᓯᓚᐅᔪᔪᖅ ᓱᕐᖁᐃᒋᐊᕐᑐᓴᐅᓂᕐᒥᒃ ᐃᓄᐃᑦ ᓄᓀᓐᓇᑯᑦ ᐃᖏᕐᕋᔫᓂᒃ ᐊᒻᒪᓗ ᓯᑭᑑᓂᒃ ᐊᑐᕐᐸᑐᑦ ᐱᓂᕐᓗᓂᐊᖕᖏᓂᖏᓐᓂᒃ, ᐊᓯᖏᓪᓘᒐᓗᐊᖅ ᓄᓇᕕᒻᒥ ᓄᓇᓯᒪᒻᒥᔪᑦ ᑕᐱᑦᓱᒋᑦ.

ᐊᕐᖁᑎᒃᑰᖏᑦᑐᖅ ᐃᖏᕐᕋᔫᑦ (OHV) ᐊᒥᓱᖕᖑᐸᓪᓕᐊᔪᑑᓚᐅᔪᒍᓐᓀᑐᑦ ᑌᑦᓱᒪᓂ, OHV-ᓄᑦ ᐱᓂᕐᓗᓱᑎᒃ ᐊᕐᖁᓇᕐᑐᑦ ᐊᒻᒪᓗ ᑐᖁᕋᕐᑐᑦ ᐊᒥᓱᖕᖑᐸᓪᓕᐊᓕᓚᐅᔪᒻᒥᒪᑕ. 2006-ᖑᓕᕐᒪᑦ, ᑯᐯᒃᑯᑦ ᑲᕙᒪᖓ ᓄᐃᑦᓯᒍᒪᓕᓚᐅᔪᔪᖅ ᓄᓇᓕᓕᒫᓄᑦ ᐅᖃᕐᕕᐅᓗᑎᒃ ᑲᑎᒪᔨᓂᒃ ᑐᑭᓯᒋᐊᑦᓯᐊᕈᒪᒧᑦ ᓱᓇᓪᓗᑐᐃᑦ ᑲᒪᒋᒋᐊᖃᕐᒪᖔᑕ OHV-ᓄᑦ ᐊᑦᑕᓇᕐᑌᓕᓂᖅ ᐱᑦᔪᑎᒋᓗᒍ ᐊᑐᓂ ᐊᑦᔨᒌᖕᖏᑐᓂ ᑯᐯᒃ ᐃᓗᐊᓂ ᓄᓇᖃᕐᕕᐅᔪᓂ.

ᓄᓇᕕᒃ ᐱᑦᔪᑎᒋᑦᓱᒍ, ᓄᓇᓕᓕᒫᓄᑦ ᐅᖃᕐᕕᐅᓗᓂ ᑲᑎᒪᕕᐅᓂᕐᒥᒃ ᑎᓕᔭᐅᒪᒍᑎ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᑐᓂᔭᐅᓯᒪᔪᖅ. ᑖᓐᓇ OHV-ᓂᒃ ᐱᑦᔪᑎᓕᒃ ᓄᓇᕕᐅᑉ ᑲᑎᒪᕕᖓ ᐃᓐᓄᓯᒪᕗᖅ ᑭᒡᒐᑐᕐᑎᓂᒃ ᐊᑦᔨᒌᖏᑐᓄᑦ ᑎᒥᐅᔪᓄᑦ ᓄᓇᕕᒻᒥ.

ᐱᓇᓱᐊᑦᓴᓖᑦ ᑐᓴᕐᑎᓯᒍᑎᓕᐅᕐᓂᒥᒃ ᖃᓄᖅ OHV-ᓂᒃ ᐊᑐᓲᖑᒻᒪᖔᑕ ᓄᓇᕕᒻᒥ ᐊᒻᒪᓗ ᑕᑯᑎᑦᓯᒍᑎᓕᐅᕐᓂᒥᒃ ᐱᓀᓗᑌᑦ ᐊᒻᒪᓗ ᐊᔪᐃᓐᓇᕈᑎᒋᒋᐊᓖᑦ ᓱᓇᐅᒻᒪᖔᑕ OHV-ᓄᑦ ᐊᑦᑕᓇᕐᑌᓕᓂᖅ ᐱᑦᔪᑎᒋᑦᓱᒍ ᑕᕐᕋᒥᐅᑦ ᓄᓇᓕᖏᑦᑕ ᐃᓗᐊᓂ.

OHV-ᓂᒃ ᐱᑦᔪᑎᓖᑦ ᓄᓇᕕᐅᑉ ᑲᑎᒪᔨᖏᑦᑕ ᑐᓴᕐᑎᓯᒍᑎᖏᑦ ᓯᕗᓪᓕᐹᑦ ᑐᓂᓚᐅᔪᔪᑦ ᑯᐯᒃᑯᑦ ᑲᕙᒪᖓᓄᑦ ᐁᕆᓕ 2011-ᒥ ᐊᒻᒪᓗ ᑐᖓᓕᖏᑦ ᑐᓂᒻᒥᓱᑎᒃ ᓄᕕᒻᐱᕆ 2011-ᒥ. OHV-ᓂᒃ ᐱᑦᔪᑎᓕᒃ ᓄᓇᕕᐅᑉ ᑲᑎᒪᕕᖓ ᓄᑖᒥᒃ ᑎᓕᔭᐅᒍᖃᕐᓯᒪᓕᕐᒥᔪᖅ ᑲᔪᓯᑎᑦᓯᒋᐊᖃᕐᓱᓂ ᐊᑦᑕᓇᕐᑌᓕᓂᕐᒥᒃ ᑫᓪᓗᑐᕈᑎᒥᒃ ᓄᓇᕕᓕᒫᒥ ᑯᐯᒃᑯᑦ ᐃᖏᕐᕋᒍᑎᓕᕆᓂᕐᒧᑦ ᒥᓂᔅᑕᒃᑯᖏᑦ ᑮᓇᐅᔭᕐᑎᒍᑦ ᑑᒃᑲᓚᕆᐅᑎᓪᓗᒋᑦ.

ᐱᓂᕐᓗᑌᓕᒪᓂᕐᒧᑦ ᑲᑎᒪᔩᑦ

ᓄᓇᕕᒻᒥ ᐱᓂᕐᓗᖁᔨᖕᖏᓂᕐᒥᒃ ᐊᒻᒪᓗ ᐃᑉᐱᒍᓱᓐᒥᒃ ᑫᓪᓗᐊᓂᖅ OHV-ᓂᒃ ᐱᑦᔪᑎᓕᒃ ᓯᕗᓕᕐᑕᐅᕗᖅ ᐱᓂᕐᓗᑌᓕᒪᓂᕐᒧᑦ ᑲᑎᒪᔨᓄᑦ ᐃᓐᓄᓯᒪᔪᓄᑦ ᐱᓇᓱᑦᑎᓂᒃ ᐊᑦᔨᒌᖕᖏᑐᓂ ᓄᓇᕕᒻᒥ ᑎᒥᐅᔪᓂ, ᐆᑦᑑᑎᒋᓗᒋᑦ ᑲᑎᕕᒃ ᓄᓇᓕᓕᒫᑦ ᐳᓖᓯᖏᓐᓂ, ᓄᓇᕕᒻᒥ ᓄᓇᓕᓕᒫᑦ ᑲᑎᒪᔨᖏᓐᓂ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓄᓕᕆᓂᕐᑯᑦ ᐱᑦᔪᔨᓂᕐᒧᑦ, ᑲᑎᕕᒃ ᐃᓕᓐᓂᐊᓂᓕᕆᔨᓂ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ.

ᐱᓇᓱᐊᒐᕗᑦ

ᐃᓄᓕᒫᓂᒃ ᐃᓱᒪᑦᓴᓯᐅᕆᓂᖃᕐᑎᓗᒍ ᐅᐱᕐᖓᓴᒃᑯᑦ 2011-ᒥ ᑕᕐᕋᒥᐅᑦ ᓄᓇᓕᓕᒫᖏᓐᓂ, ᓄᓇᕕᒻᒥ OHV-ᓄᑦ ᑲᑎᒪᔩᑦ ᑐᓴᕆᐊᕐᓯᒪᓚᐅᔪᔪᑦ ᓄᓇᕕᒻᒥᐅᑦ ᐃᓱᒫᓘᑎᒐᓵᓗᖏᓐᓂᒃ ᓄᓇᓕᒻᒥᓂᒃ ᓭᒪᓇᕐᓂᓴᐅᖁᔨᑦᓱᑎᒃ ᐊᑦᑕᓇᖕᖏᓂᕐᓴᐅᖁᔨᑦᓱᑎᓪᓗ.

ᑕᒪᓐᓇ ᐱᓇᓱᑦᑕᐅᔪᖅ ᓄᓇᕕᒻᒥ OHV-ᓄᑦ ᑲᑎᒪᔨᓄᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᐊᖃᑎᖏᓐᓄᓗ ᑐᕌᖓᕗᖅ ᐱᕙᓪᓕᐊᒍᑎᖃᕐᓂᒧᑦ ᐊᕐᖁᑎᒃᑰᖏᑦᑐᖅ ᐃᖏᕋᔫᓄᑦ (OHV) ᐱᓂᕐᓗᑌᓕᓂᕐᒥᒃ ᐊᒻᒪᓗ ᐃᑉᐱᒍᓱᓐᓂᒥᒃ ᑫᓪᓗᐊᕈᑎᒥᒃ ᓄᓇᕕᐅᑉ ᐃᓗᐊᓂ ᐊᕐᕌᒍᓂ ᐊᑕᐅᓯᐅᖕᖏᑐᓂ ᙯᔪᓂ.

ᐱᒐᓱᐊᕐᑕᕗᑦ

vtt objectives
couple objectives
  • ᑲᑦᓱᙰᓕᑎᕆᓂᖅ ᐊᑦᑕᓀᓪᓗᓂ OHV-ᓂᒃ ᐊᐅᓚᑦᓯᕙᓐᓂᒥᒃ.
  • ᐊᒃᑭᒋᐊᕆᓂᖅ OHV-ᒐᓓᑦ ᐱᒻᒪᕆᐅᓂᖓᓐᓂᒃ ᐱᐅᓯᑐᖃᕐᑎᒍᑦ ᑕᕐᕋᒥᐅᑦ ᓱᓇᓱᐊᕐᓂᖏᓐᓄᑦ.
  • ᐱᔪᕆᓕᕐᑎᓯᓂᖅ ᐃᓅᓱᑦᑐᓂᒃ OHV-ᒥᓂᒃ ᐊᑦᑕᓇᕋᑎᒃ ᐊᐅᓚᑦᓯᕙᑦᑐᓂᒃ.
  • ᑲᑦᓱᙰᓕᑎᕆᓂᖅ ᐃᓅᓱᑦᑐᓂᒃ ᐃᑉᐱᒍᓱᖁᓗᒋᑦ ᐃᓄᑦᑕᒥᓂᒃ, ᐃᓚᒥᓂᒃ ᐊᒻᒪᓗ ᐃᓚᓐᓈᒥᓂᒃ OHV-ᓂᒃ ᐊᑐᓕᕈᑎᒃ.
  • ᐊᒻᒪᓗ ᓴᐳᒻᒥᓯᐊᕐᓂᖅ ᐃᓅᓱᑦᑐᓅᓕᖓᔪᑦ ᐱᓇᓱᑦᑕᐅᒍᑎᖏᓐᓂᒃ ᑐᕌᕐᑐᓂᒃ ᐃᑭᓪᓕᑎᕆᓂᕐᒧᑦ OHV-ᓄᑦ ᐱᓂᕐᓗᓂᐅᕙᑦᑐᓂᒃ.
  • ᐱᖕᖑᑎᑦᓯᓂᖅ ᓄᓇᓕᒻᒥᐅᑦ ᐅᐱᒍᓲᑎᖃᕐᓂᖓᓐᓂᒃ ᐱᑦᔪᑎᖃᕐᑎᓗᒍ ᓄᓇᕕᒻᒥ ᐱᓂᕐᓗᑌᓕᒪᓂᕐᒥᒃ ᐊᒻᒪᓗ ᐃᑉᐱᒍᓱᑦᓯᐊᓂᕐᒥᒃ OHV-ᓄᑦ ᑫᓪᓗᐊᕈᑎᒥᒃ.
bonhomme objectives
bulle contact

ᐅᕙᑦᑎᓂᒃ
ᑐᑭᓯᒋᐊᕐᕕᒃ

    ᐊᑎᕋ(*)
    Please let us know your name.
    ᖃᕆᑕᐅᔭᒃᑯᑦ ᑐᕌᕈᑎᒃᑲ(*)
    Please let us know your email address.
    ᐅᖄᓚᐅᑎᒐ(*)
    Please let us know your phone number.
    ᓄᓇᓕᒐ
    Invalid Input
    ᐅᖃᐅᓯᑦᓴᑎᑦ(*)
    Please let us know your message.
vtt support

ᐅᕙᑦᑎᓂᒃ
ᓴᐳᑦᔨᒋᑦ